Om oss

Me var heldige og fekk overtaka Mostrahuset hausten 2021.  Det var utruleg spannande og veldig skummelt på ein gong. Men det er når ein vågar å bevega seg utanfor komfortsona, magien skjer har me høyrt.

Huset treng renovering og kjærleik, men me har ikkje moglegheit å gjera alt på eingong, men litt etter litt. Draumen vår er å skapa liv og røre i huset att, fylla det med folk, drøs, god stemning og skapa gode minner der atter eingong. Det håpar me dåke har lyst å hjelpa oss med.

Mostrahuset har mange unge og gamle eit forhold til, både  som fabrikk, Havnekafeen og ein samlingsplass for teateret. Er ein i nærleiken, er ein hjarteleg velkommen inn for å helsa på, bolsa og drikka kaffi.

Me har inntrykk av at Mostrahuset betyr noko for alle generasjoner på Moster, me som nye eigarar ynskjer å dele huset med Bømlingane og håpar at folk ynskjer å støtte oss ved å leiga lokale. Huset treng omfattande renovering og håpar at dåke som leiger kan sjå gjennom fingrane for alt som manglar ute, men heller tenke at ein er med på å bidra med å ta vare på huset ved å leiga det. Me har ikkje moglegheit til å gjera alt på ein gong, men me er på veg, litt etter litt.

Me som nye eigarar ynskjer å opne huset for folket igjen og ser på oss sjølve som heldige som kan få lov til å vere med å ta vare på dette heilt spesielle bygget, og med det ei viktig del av Mosterhamns historie. Den viktigaste måten å gjere det på er å opne bygget opp og gi bygget det beste vernet det kan få; å bli brukt.